تورک دونیاسی

علي رضا اردبيلي:


گٶزله­نيلدي­يي كيمي ايسوئچ آوروويزييا ماهني ياريشماسي 2012-ده غاليب گلدي. روسيه­نين بورانوا بابوشكالاري ايكينجي يئرله كيفايتلنمه­لي اولدولار و ... آرتيق آورو ويزييا ماهني ياريشمالاري­نين هيجانلاري­دا، سئوينجلري­ده آرخادا قاليبدير. خبر چوخلوغو شراييط­ينده فعاليت ائدن مئديا اوچون داها آوروويزييا گونده­ليكدن چيخميشدير. آمما بو موسابيقه­ده ايشتيراك ائتميش، اودوب اودوزموش، مأيوس يا مثبت سورپرايز اولموش اينسانلارين و هابئله آذربايجانلي­لارين يادداشلاريندا، آوروويزييا 2012 باكي هله ياشاياجاقدير.

 

گونئي آذربايجان سئوينيز
سوپر مودرن تئخنيكي آوادانليقلا كئچيريلن و مدنيت دونياسي اوچون پوپولر موسيقي ژانريندا اولان كوتلوي ايلنجه كاراكترلي يوز اوتوز ميلون نفرليك بير شودان دونياميزدا خبري اولمايان قالماميشدير. آمما چوخ آز آداملارين خبري اولان بير مسئله، آوروپا­نين بو نهنگ حاديثه­سي­نين اورمو، قاشقايستان، گئرمي، بازرگان، قوزئي خوراسان، تبريز، خوي، تهران، ماراغا، كليبر، موغان، خالخال، اردبيل، مرند، زنجان، همدان، ساوه، قلعه حسنخان، سراب، قم، كرج و بير چوخ گونئي آذربايجان شهرلري و توركلرين ياشاديقلاري سايير ايران جغرافي مكانيندا بو مسئله­ايله ياشانميش هيجانلاردير. بو اراضي­ده ياشايان مليونلارلا گونئي آذربايجان توركونون گٶزلري اٶنونده، ايران رئژيمي آذربايجانا قارشي چيركين بير تخريبات كامپانياسي آپاردي و مفتضح اولدو. آذربايجان اٶز قابيليت­لريني گٶستردي، بيزي سئومه­ينلر، ايچ اوزلريني.

 


ايران رئژيمي ياس توتوب
سون هفته­لرده گونئي آذربايجان شاهيد اولموشدور كي، ايران رئژيمي­نين، نه قوزئي آذربايجاني گٶرمه­يه گٶزو وار، نه قوزئي­ده باش وئرن اينكيشاف خطي­نين بير گئرچك اولماسينا دٶزه بيلير و نه معاصير مدنيت دئيلن بير شئي­ايله باريشماق فيكري وار.

بو ياريشلارا بير گلين كيمي حاضيرلاشان باكي­دا نفس چكمه­يه دٶزه بيلمه­ين ايران ايسلام جموهوريتي­نين سفيري­نين، آذربايجاني نيفرتله تهران مقصدينه ترك ائتمه­سي­ده تاريخيميزده آذربايجانين غلبه­سي و اونا دوشمنليك ائدنلرين فضاحتلي مغلوبيتي كيمي ياددا قالاجاقدير.
ايكينجي آذربايجان جومهوريتي­نين برپا اولماسي عرفه­سينده، ايران رئژيمينده بو مٶوضوعلا باغلي ايكي­ داورانيش طرزي وارايدي. بير ايدئولوژيك اوميد و بير سياسي قورخو. بيرينجي ايدئولوژيك ياناشما بو اسارتين قورتارماسيني، مسلمانلارين كفر اسارتيندن ايسلام قوجاغينا قاييتماسي كيمي قيمتلنديردي. سياسي قورخو، "شوروي كيمي سوپر گوج ايمپريا داغيلارسا بيزيم قالماغيميزا نه قارانتي وار؟"-سورغوسوندان عيبارت ايدي. قيصا بير زاماندا ايرانين، قوزئي آذربايجانلا موناسيبتلري، ايلك نٶوبه­ده تهلوكه­سيزليك اورقانلارينا تاپشيريلدي. آذربايجاندا خئريه­چي­ليك و باشقا آدلار آلتيندا، ديني فاناتيزم يايماق و جاسوسلوق شبكه­لري ياراداماق ايران رئژيمي­نين استاندارد فعاليت فورمونا چئوريلدي.

قوزئي آذربايجان حتي ايلك موستقيل­ليك ايللرينده، ان درين بٶحرانلار ايچينده بوغولدوغو زامان، گونئي آذربايجانلي­لار و حتي غيري تورك ايرانلي­لار اوچون جاذبه­لي بير اٶلكه­ايدي. ايران رئژيمي­نين اساس غايه­لريندن بيري بو جاذبه­ني آزالتماق و عكسينه چئويرمك ايدي. بو سياست هله بوگونده ايران رئژيمي­نين اٶز تهلوكه­سيز­لي­ييني قوروماقدا پري­آريتتلريندن /ترجيح­لريندن باشدا گئدني اولموشدور. ائرمنيستانين حيات دهليزينه چئوريلمك و اوندان علاوه، بير سيلسيله تدبيرلر هاميسي بو استراتژي هدفدن ايره­لي گلميشدير. بو سببدن ايران رئژيمي­نين تبليغاتيندا، قوزئي آذربايجاندا آجليق و امنيت­سيزلي­يين حٶكم سورمه­سيني تأييد ائدن خبرلر يايماق، گونده­ليك كاراكتئر آلميش و اسرائيل و آمئريكانين كونترولوندا اولماسينا دائير مودعالار هر ايمام جومعه­ و هر كند موللاسي­نين ديلينده ازبر دير.
سون ايللرده، هله دموكراتيك­لشمك يولوندا گٶرمه­يه چوخ ايشلر يئرده قالميشسا، قوزئي آذربايجاندا گئدن قيزغين يئني­دن قورما، آبادلاشديرما ايشلري، اينفراستروكتورل و استراتژيك لاييحه­لرين حياتا كئچمه­سي و قوزئي آذربايجانين دونيادا تانينماسي ساحه­سينده بٶيوك آدديملار آتيلميشدير. 70 ايل رئپرئسيا قورباني اولموش بو جومهوريت اوچون بو يئني ديرچليش دالغاسي هئچ­ده 1920 ده زورلا دايانديريلميش اينكيشاف خطينه قاييتماق دئمك دئير. بير زامان دونيانين ان زنگين شهري اولان باكي و بير واختلار دونيا نفتي­نين ياريسيني استحصال ائتميش آذربايجان اوچون، بوگون آدام باشينا 10200 دوللارليق عموم داخيلي محصول اوره­ك آچان بير گٶستريجي ساييلمامالي­دير. بونونلا بئله بو گٶستري، ايران رئژيمي­نين قيسقانجليق و حتي نيفرت و غضبينه باعيث اولماق اوچون، يئترينجه­دير.

آوروويزييا ماهني يارشماسي­نين باكي­دا طنطنه­لي كئچيريلمه­سيله، ايران رئژيمي­نين 20 ايل ليك آنتي آذربايجان فعاليتلري­نين پوچا چيخماسي قطعي بير صورتده آشكار اولدو.
ائوين مدنيتي، كهريزك مدنيتي، 13 ياشلي پوزغون و ناركومان اوشاقلار يارادان مدنيت، مك دونالد شبكه­سينه بنزر صيغه مركزلري شبكه­سي ياردان مدنيت و بير چوخ اوخشار مدنيتين معماري، مٶلفي و پاتئنت صاحيبي اولان ايران رئژيمي، آوروپا مدنيتي و آورو ويزييا مدنيتيني گٶرمه­يه گٶزو يوخدور و بو ايسه چوخ دوغال گٶرونمه­لي­دير. اهاليسي اوچون، بٶيوك مئيدانلاردا ايزديحاملي كوتله توپلانتي­لاريندا، گون چيخاندا اعدام مراسيمي ترتيب ائديب، بو مراسيمه آز ياشلي اوشاقلار، قادينلار و تام تركيبلي عائيله هيئتلري جلب ائدن رئژيم، قوزئي آذربايجان­ين افسانه­لر پايتختي اولان باكي­دا دونيا مدنيتي­نين ان مٶحتشم موسيقي طنطنه­سينه دٶزميز. بو رئژيمين گولونج رفتاري حتي اٶز سفيريني قوزئي آذربايجاندان گئري چاغيرماق و گونئي آذربايجان مسئله­لريني تارتيشان اينترنت سايتينا سالديري ياپماغا دا ال آتدي.
رئژيمين بو مٶوضوعدا آچيق-آيدن مٶوقعي واردير و اگر بو مٶوقعدن خبريز يوخسا، آشاغي­دا وئريلن اٶرنكلره باخماق كيفايتدير:

مهدوی کنی رئيس مجلس خبرگان: "ثمره مراسم يوروويژن رژه حيوان‌صفتان همجنس‌باز،چيزی جز ايجاد تفرقه ميان مسلمانان و جريحه دارکردن عواطف دينی نيست." "مراسم يوروويژن رژه حيوان‌صفتان همجنس‌باز، به‌عنوان ناگوارترين حرکت ضد انسانی، نسبتی با آيين مقدس اسلام، دين احياگر اخلاق و فضيلت ندارد و ثمره چنين اقدام‌های شومی چيزی جز ايجاد تفرقه ميان مسلمانان، جريحه‌دارکردن عواطف دينی، نفی ارزش‌های خودی و تسليم در برابر نفوذ بيگانگان و فرهنگ ضد بشری نيست." (
منبع)

حجت‌الاسلام کاظم صديقی، امام جمعه تهران:
"از دولت آذربايجان می‌خواهيم دست از اين عمل قبيح بردارد و پيش از اين با احساسات مسلمانان بازی نکند."

تارنمای "بولتن نيوز" به نقل از مناف‌اف، رهبر فعلی حزب اسلام آذربايجان (مقيم دائمي ايران): "دولت آذربايجان بداند اگر خدای ناکرده اين اتفاق شوم در خاک کشورمان بيفتد خون‌های ما در راه دفاع از اسلام ريخته می‌شود و ما به هيچ‌وجه اجازه انجام آن را نخواهيم داد... در صورت برگزاری اين مراسم هيچ چيز برايمان مهم نيست حتا اگر جنگ داخلی هم در آذربايجان راه بيفتد اهميت ندارد چرا که ما آذربايجان را برايشان تبديل به جهنم می‌کنيم."

حجت‌الاسلام علی نعمت‌زاده، امام جمعه مرند، در گفت
وگو با خبرگزاری رسا: "فستيوال يوروويژن که به‌دروغ با عنوان مسابقات موسيقی تبليغ می‌شود، مغاير با فرهنگ، تاريخ، هويت و مذهب مردم کشور جمهوری آذربايجان است."

اردبيل ده ولايت فقيه­ين نوماينده­سي حجت‌الاسلام سيد حسن عاملي: "برخلاف ادعاي فرهنگي بودن يورو‌ويژن اين برنامه کاملاً سياسي است و در اين راستا رژيم صهيونيستي يکي از خوانندگان آذربايجان را ماه‌هاست در کشور خود آموزش ميدهد تا اين خواننده که در اهانت به شهداي فلسطين و همدستي با قصابان رژيم صهيونيستي شهره عام و خاص است برنده شود... هدف صهيونيسم از اين مسابقه جبران شکست در لبنان و مقهور کردن ايران است.... اهانت به مساجد، مقدسات ديني، ساحت نبي مکرم اسلام و اهل بيت، آتش زدن قرآن و تير‌اندازي به کلام الهي..." (
منبع)

حجت الاسلام کاظم حافظ نیا، امام جمعه آستارا: "مسابقات یوروویژن یکی از ترفندهای آمریکا و اسراییل در راستای تضعیف دین اسلام است... برگزاری مسابقات یوروویژن در کشور جمهوری آذربایجان برنامه سران آمریکایی و اسراییلی است... برگزاری مسابقات رقص و آواز یوروویژن در کشور جمهوری آذربایجان مصداق بارز بی عفتی در یک کشور مسلمان نشین تلقی می شود
... حکام کشور جمهوری آذربایجان به سرنوشت قوم لوط دچار خواهند شد... در برگزاری این مسابقات بیشترین نفع و سود را رژیم صهیونسیتی خواهد برد.(منبع)

يوخاريداكي جومله­لردن ايران رئژيمي­نين مٶوقعي آيدين اولور. بو مٶوقع بير معنالي و آنلاشيلان­دير. مئيدانلاريندا شاللاق وورماق، داش قالاق ائتمك و دارآغاجلاري قورماقلا اهالي­سي اوچون آزاد واخت كئچيرمك و "ايلنجه" يارادان بير رئژيم دونيانين ان بٶيوك اولوسلار آراسي مدنيت حاديثه­سينه باشقا نه جور باخمالي­دير كي؟

بوگون آذربايجان جومهوريتي­نين عموم داخيلي محصولو، آدام باشينا 10200 آبش دوللاري­دير. بور رقم ايسوئچ اوچون 40600 دور. باشقا فاكت بودور كي، بو رقم سون ايللره قدر آذربايجان اوچون 200-300 جواريندا اولمشدور و اون مين رقمي، تام يئني بير احوالات­دير. بو فاكت چوخ بير مسئله­ني دوزگون باشا دوشمه­يه آچار رولو اوينايير. آذربايجان هله ياخين بير زاماندا اهالي­سي اوچون آوروپا سويه­سينده رفاه تأمين ائده بيلمه­يه­جك. بو مسئله هر نه قدر اهميتلي اولسادا،بو مقاله­نين مٶوضوعسو دئير و منيم بو فاكتا ايشاره ائتمه­ييم، قوزئي آذربايجانين دموكراسي و اينكيشاف يولوندا اوزون يولون اٶنونده اولماسيني وورغولاماقدير. (بو حاقدا منيم يازديغيم مقاله:­
جمهوري آذربايجان از مننظر جنبش ملي آذربايجان جنوبي)

موستقيل قوزئي آذربايجان، هر آذربايجانلي خصوصيله قوزئي آذربايجاني اٶز قدغن اولموش و تاپتالانميش مدنيتي­نين قوروغو گٶرن گونئي آذربايجان توركو اوچون، هميشه اولدوغو غرور و اوميد قايناغي­دير. آذربايجان جومهوريتي­نين، ايلده 200 مليون دولار بودجه و آدم باشينا ايلده 200 دولار عموم داخيلي محصولو اولان چوخ ضعيف بير اٶلكه­دن، بوگونكو وضعيته چاتماسي، بيزي سئوينديرمه­سه چوخ عجيب ساييلا بيلر. اگر بيزيم وطنيميزين باغيمسيز قوزئي حيصه­سي دموكراسي و رفاه باخيميندان ايسوئچه چاتماييبدير، آرتيق ايكينجي ايستقيلاليتي­نين 20 ايل­ليك يوبلئييني قئيد ائتميش بو جومهوريت­ين وارليغي بيزه بير سئوينج قايناغي اولمالي­دير. بيز 1991-ه قدر حٶكم سورموش اسارتين آرتيق تاريخه قوشولماسي فاكتيني اونوتمامالي­ييق و اگر بو 21 ياشلي وارليق، بو 21 ايل عرضينده ايسوئچ و آلمانيا سويه­سينه چاتماييبديرسا، طي اولموش يولون كيفايت قدر موركب و تهلوكه­لي اولدوغونو نظره آلساق، مسئله­ني اوبيكتيو تحليل ائتمك چوخ چتين اولماز. بو سطيرلرين يازيلديغي گونلرده ايلك آذربايجان جومهوريتي­نين يارانماسيندان 94 ايل كئچير و بيز ياخشي بيليريك كي، ايلك ايستيقلال جمعي 23 ياشايا بيلميشدير.

ايكينجي نٶوعدن اولان ياس توتانلار
ايران رئژيمي­نين فارس اوپوزيسيونو
قوزئي آذربايجان­ين ان فرحلي گونلرينده ياس توتان يالنيز ايران رئژيمي دئيردي. سون گونلرده ايران رئژيمي­نين ياس مراسيمي­له پارالل اولاراق، باشقا ياس توتانلار دا واردير. ايران رئژيمي­نين آذربايجان جومهوريتنه قارشي آپارديغي سياست حاقيندا، ايران فارس اوپوزيسيونو (اٶزونو "سراسري" آدلانديران جريانلار) تام سوسدولار. فارس مئدياسيندا نه آوروويزييا ماهني ياريشمالاري­نين كئچيريلمه­سي و نه ايران رئژيمي­نين آذربايجانا قارشي تخريباتچي سياستي و حتي آذربايجاندا قان تٶكمك و وطنداش موحاريبه­سي يولا سالماق سٶزلرينه ال آتماق، فارس سياستچي­لري، فارس تشكيلاتلاري و فارس مئدياسي اوچون اهميتليي ساييلمادي. نورمال حال­دا غيرسياسي جورملره مرتكيب اولانلارين محاكيمه­سينده ده سياسي بير مسئله آختاريب و ايران رئژيمين محكوم ائدن فارس اوپوزيسيونو، همن رئژيمين، سكولار و مستقيل آذربايجان جمهوريتيني، دونيانين ان محتشم مدني حاديثه­سينه ائو ييه­لي­يي ائتدي­يي اوچون، تروريسم­له هده­له­مه­سي، سياسي بير مسئله ساييلمادي!

اوچونجو تيپلي ياس توتانلار:
اٶزلريني پانتوركيست و بوزقورد كشف ائتمكله "مشهور" ائتميش­لر

باشقا سوسقون بير قوم، اٶزلريني پانتوركيست و بوزقورد كشف ائتمكله "مشهور" ائتميش­لرديرلر. 1991-ده قوزئي آذربايجان 70 ايل­ليك اسارتدن قورتاراركن، بو اسارت ايدئولوقياسي­نين ايراندا آذربايجانلي و غير آذربايجانلي وورغونلاري وارايدي. بو ايدئولوقيا وورغونلاري او زامانلار اومود ائديرديلر كي، اينشاالله قاييدارلار! (ميرزا جليل­ين "اينشاالله قايتارارلار" ايفاده­سينه بنزر بير ايفاده) اونلارين اوزون ايللر قولاغي سس­ده ايدي. اونلار يالنيز بير خبر گٶزله­ييرديلر: "قاييديرلار!" بو قوم هاميدان ياخشي بيليرديلر كي جمعي 4% سس توپلاميش بير سياسي قووه­نين، 100% سياسي حاكميتي 70 ايل ضبط ائديب، بشريته قارشي مين بير جينايت تٶرتمكله حاكميت­ده قالماغيني، نه دانماق اولار و نه اونودماق و نه او جينايتلردن مودافيعه ائتمك مومكوندور. بو سببدن اونلارين سون اوميدي بو ايدي كه اسارتدن قورتارميش اسيرلر، اٶز آزادليقلاري دٶورونده، ائله بير پيس گونه دوشسونلر كي، اسارت ايدئولوژيسي­نه و اسارت تاريخينه، بير نٶوع برائت قازانيلسين. بو ايللر عرضينده بو توتاليتر ايدئولوژي وورغونلاري بير ايشله اوچ بٶلمه­ده مشغول اولموشلار. بو ايش، آذربايجان­ين روسيه­دن و كمونيسمدن موستقيل وارليغيني لكه­له­مك اولمشدور. اوچ بٶلمه­ايسه آشاغيداكي ترتيب­ده اولموشدور:

بير: 1920-جي ايلين 28 آپريلينده موستقيل آذربايجانين روس بولشويك اوردوسو طرفيندن اشغال اولماق تاريخيندن قاباخكي آذربايجاني، نفي ائتمك، دانماق و لكه­له­مك. بيز بو بٶلمه­ده، سلطنت طلب­لرين پرويز ثابتي­نين ديليندن شاه رئژيمي­نين قوربانلاريني لكه­له­مه­سي كيمي، شوروي كا گ ب­سي­نين بير افسري­نين (سرتیپ بازنشته لئو فیلیپویچ ساتسكف) ديليندن، آذربايجان خالق جومهوريتي (1928-1920) و اونون رهبرلرينه قارشي تبليغات ائتمك جهدلري­ني شاهيدي اولموشوق.

ايكي: شوروي دٶورونده قوزئي آذربايجان­ين نائيليتلريني يالنيز ايكي مسئله­يه باغلاماق: روسلارين مرحمتلري و كمونيسم­ين معجزه­لري! بو سبب­دن بو بقا بير مييت قالميش روسپرستلر، پروفسور جميل حسنلي كيمي عاليملرين طرفيندن، آذربايجاندا باش وئرميش بيرسيرا مثبت حاديثه­لرده، عليت­ - معلول­لاري گٶسترمك و يئرلي عاميل يعني قوزئي آذربايجان ميللتي­نين اراده­سي و يئرلي حاكميت­ين تمايولو كيمي موهوم فاكتورلاري آرايا قويماق ايشينيه خور باخيرلار. ميثال اوچون باخين پروفسور جميل حسنلي­نين آذربايجاندا تورك ديليني رسمي ديل استاتوسو آلماق اوچون چوخ گرگين فعاليتلرين تاريخينه. (پروفسور جمیل حسنلی: تصويب قانون درباره‌ی زبان رسمي آذربايجان در دوران استيلاي روسيه)

اوچ: 1991-ده ايكينجي دفعه موستقيل­لي­يه چاتميش قوزئي آذربايجانين، پيس گونده اولماسيني آرزو ائتمك. بو ايدئولوژي وورغونلاري­نين فارس نمونه­لري بو ايل لرده قوزئي آذربايجانا قارشي هم اهانت ائديبلر و هم يالان معلومات ياييبلار و اوردا چاتيشمايان جهتلري شيشيريلديميش و دوشمن مٶوقعيندن تبليغ ائديبلر. اوردا آتيلميش مثبت آدديملار حاقيندا اونلار بير كلمه­ده اولسون نه يازيبلار، نه دانيشيبلار و نه اٶز مئديالاريندا بو حاقدا بير خبر ياييبلار. اونلار حتي باكي-تيفليس-جيهان نئفت كمري و اونا بنزر بير چوخ سياسي و ايقتيصادي استراتژي اهميتلي لاييحه­لر حاقيندا بير كلمه­ده يازماميشلار.

همان فارس قووه­لرين آذربايجانلي المثني نوسخه­لري، ميللي حركاته باغلي اولدوقلاريني ديله گتيرن و اٶزلري، اٶزلرينه پانتوركيستلر و بوزقوردلاري كشف ائديب، فارس ديلينده و فارس مئدياسيندا ايفشا ائتمك كيمي ميسيا تاپشيرميشلار دا، قوزئي آذربايجانين هئچ مثبت بير آدديمي گٶره بيلميرلر و بئله بير شئي گٶرورلرسه، اوندان سئوينه بيلميرلر. اونلار اوچون بو 70 ايل اسارتدان سونراكي آزادليق دٶورونده پيس گونلره قالماق، او اسارتين تاريخي و ايدئولوژي­سينه برائت قازانديرماق اوچون چوخ لازيملي ماتريال ساييلير و بو زاواللي­لار بو موهوم ماتريالي هر داشين آلتيندا آراييرلار.

بوردا بير اينجه مقام وار. دونيانين دمكراتيك دايره­لري و اينسان حاقلاري مودافيعه مركزلري­ني هئچ بيري توتاليتر شوروي رئژيمي حاقيندا مثبت فيكيرده دئيرلر و بوگونكو قوزئي آذربايجاندا چاتيشمايان جهتلره بارماق قوياركن، شوروي ايدئولوژي­سينه برائت قازانديرماق نيتنده دئيرلر. باشقا طرفدن دونيانين دموكراتيك داييره­لري آذربايجاني آورپانين بير پارچاسي كيمي، دموكراتيك پارلامنتاريستي بير سيستم صاحيبي گٶرمك يولوندا چاليشيرلار. اونلارين باخيميندان اگر بوگونكو آذربايجاندا دموكراسي، اينسان حاقلاري و كوروپسيا باخيميندان جيدي پروبلئملر واردير، شوروي تاريخي بيرباشا توتاليتر بير رژيم ساييلير. اونلار آذربايجاني بير آنتي ايمپرياليستي-طالباني مٶوقعدن تنقيد ائتميرلر.

ميللي حركاتين اطرافيدنا اولان آز ساييلي بو توتاليتر ايدئولوژي وورغونلاري، البته باشقا باخيملاردان فرقلي اولا بيلرلر، اونلار محمد علي فروغي و سيد احمد كسروي طرفداري­دا اولا بيلرلر، ميلوسوويچ يا بشارالاسد طرفداري­دا. آمما اونلار قوزئي آذربايجان گولركن، گوله بيلميرلر و بوتون دونيادا گونئي آذربايجانلي توركلر، آذربايجان جومهوريتي­نين ايران رئژمي­نه تسليم اولماييب، اٶزونون دونيا و آوروپا مدنتيتينه اينتيقره اولماق كورسونو دئيشمه­ييب، دونيا آرئنالاريندا الده ائتدي­يي موفقيتلريندن غرور دويا بيلميرلر.

ايشاره اولدوغو كيمي، ايران رئژيمي و ايراندا اعمال اولان راسيستي سيستم­ين اوپوزيسيون سيرالارينداكي، فارس ناسيوناليست مودافعلري بو قناعتده­ديرلر كي، قوزئي آذربايجان، گونئي­ينده بير ماقنئت كيمي عمل ائدير و نه قدر قوزئي آذربايجانين سيماسيني قارالايا بيلسه­لر، بير او قدر "تماميت ارضي" ايدئولوژيسي­ني قوروماق راحاتراق اولاجاقدير. بونلاردان فرقلي اولارق، آذربايجان كٶكنلي تواتليتر ايدئولوقييا وورغونلاري، قوزئي آذربايجاني تام باشقا بير سببدن گٶرمه­يه گٶزلري يوخدور. آذربايجان جومهوريتي­نين ميثال اوچون، قبله-اوغوز-باكي سو كمري كيمي بير لاييحه­ايله، پايتخت­ده سو مسئله­سيني حل ائتمك، روس ايشغالي­نين ماهيتيني دانماغا هئچ بير اساس وئرمير و 1920-ده حربي ايشغال­لا دوردورولموش اينكيشاف خطي­نين 70 ايل فاصيله­دن سونراكي دوامي، بو اسارتين نه بويدا بير فاجيعه اولماسيني ايفشا ائدير.

بو باخيمدان اصلينده بير-بيريله ضيديت­ده اولان 3 فرقلي سياسي بلوكين، قوزئي آذربايجان حاقيندا واحيد سياسي بير مٶوقع­لري واردير. يعني هم دنيوي توتاليتر ايدئولوقيا وورغونلاري، هم ايران حاكميتي­نين و هم ايران اوپوزيسيوندا مٶوجود اولان فارس ناسيوناليستلري، هر اوچو هم قوزئي آذربايجانين سيماسيني قارالاماقدا و او سببدن آذربايجان ين قوزئي پايتختي اولان افسانه­لر شهري باكي­دا دونيانين ان مٶحتشم مدني –نين كئچيريلدي­يي حاقدا يا منفي تبليغات آپارديلار و يا سوسدولار. بو باخيمدان، سون هفته­لرده، 57-جي آوروويزييا ماهني ياريشمالارين­نين باكي­دا كئچيريلمه­سيله باغلي باش وئرنلري تحليل ائدركن، بو 3 تفكورون قوزئي حاقيندا رفتاري، چون معنالي و بي­عابير­ ائديجي بير صورتده، بير-بيرينه اوخشار گٶرسنير.

 

 


گونئي آذربايجاندا ميللي آزادليق موجاديله­سي­نين يئني دالغاسي­نين عرصه­يه چيخماسيندا، قوزئي آذربايجان­ين، اٶز باغيميسيزليغيني برپا ائتمه­سي­نين رولو، سٶزسوزدور. مسئله آمما يالنيز باغيميسيزليقلا بيتمير، 1991-دان بري قوزئي آذربايجاندان گلن هر بير خوش خبر، گونئي آذربايجان توركونو سئوينديرميش و گونئي­ده گئدن آزادليق موجاديله­سينه قول-قاناد وئرميشدير. ائله ايران رئژيمي­نين "مجلس خبرگان رهبري"دن توتموش اوزو آشاغي بوتون اورقانلاري، قوزئي آذربايجان­ين تاريخي غلبه­سي ساييلان آوروويزييا ماهني ياريشمالاريني كئچيرمه­سي يولوندا مين بير انگل تٶرتمه جهدلري، بو سببدن دير. يوخسا 2004-جي ايل­ده قونشو توركيه­ده هم آوروويزييا ماهني موسابيقه­سي كئچيريلدي و هم استانبول­ون تقسيم مئيدانيندا هموسكسوئل­لرين پارادي كئچيريلدي. او زامان بو مسئله­يه ايراندا موناسيبتده بيلديريلمه­دي.

ايندي تماميله سياسي بير حئسابلاما اساسيندا، دونيانين ان مٶحتشم مدنيت تدبيري­نين گٶزل باكي شهرينده كئچيريلمه­سي و قوزئي آذربايجان اوچون، سون ايللرده­كي نائيلييت­لريني دونيايه سرگي­له­مك شانسي يارانماماسي، ايران ايسلام جومهوريتي­ني او سببدن غضبلنديردي كي، او رئژيمن، 20 ايل يالان تبليغاتيني پوچا چيخاردي. دونيادا پاسپورتونون و رئژيمي­نين هئچ بير حٶرمتي و اعتيباري اولمايان و دونيا اوچون معنويت ساييلان هر بير ديرله ضيديت ائدن ايران حاكيميتي، هاميدان ياخشي بيليركي گونئي آذربايجان توركو اوچون، قوزئي آذربايجان مدنيت اوجاغي و مدنيت قوروغو سايلير و قوزئي آذربايجانين آبادلاشماسي و آدي­نين اوجالماسي گونئي توركو اوچون بٶيوك بير معنوي داياق­دير. بوتون بو فاكتلاري بوتون گونئي­ آذربايجانلي­لار (حتي اگر ميللي فعال اولماسالار بئله) بيليرلر. بونونلا بئله بو سويه­ده گونئي آذربايجان اوچون اهميتلي سياسي قارشي­دورما مئيدانيندا "بيطرف" و سوسقون قالماق، اٶزو بير سياسي سئچيم و سياسي آدديم ساييلمالي­دير. نه بو سئچيم و نو بو آدديم، گونئي آذربايجانين آزادليغي قوللوغوندا دئير. آذربايجان گولركن، ياس توتانلار و آذربايجانا قارشي تهران رئژيمي­نين هجوملاري قارشي­سيندا سوسماق، گونئي آذربايجان ميللي ماراقلاريلا نه اينكي اوست-اوسته دوشمور، حتي اونلارا ضيددير.

 

2012-جي ايلين ماي آيي و خصوصيله بو آيين ايكينجي ياريسي، آذربايجان اوركدن گولدو. آذربايجان گولركن، هامي سئوينمه­دي، كيملري غضبلندي، كيملري­ايسه آذربايجان سيماسيندا لكه­لر آراييب اٶزونو ايرضا ائتمه­يه چاليشدي و بعضي­لري سوسدو...

 

 

 

quot;Tahoma

در باره نویسنده:

علي رضا اردبيلي

آخرین مطالب علي رضا اردبيلي