حقوق بشر

ايران ايسلام جومهوريتي­نده، ايقتيصاديات و مدنيت كيمي، سئچگي­لر ده، بيرباشا حاكيم رئژيمين عٶمرونون اوزاديلماسي اوچون بير آراجدير. بيز بوگونلرده "ولايت مطلقه فقيه" حاكميتي­نين تام كونترولو آلتيندا كئچيريلن سئچگي­لري، نه بير دموكراتيك پراسئس سانيريق و نه بو مضحكه­دن دموكراسي و ميللتلرين اٶز موقدراتيني موعينلشديرمك حاقينا ال تاپماسي اوچون مثبت بير شئي اوموروق. بيزيم يولوموز، گونئي آذربايجان توركلري­نين سٶز صاحيبي اولماسي و اٶز ميللي دٶولتچي­لي­ييني برپا ائتمكدير. بيز، ميلتيميزي، اٶز ميللي دٶولتچي­لي­ميزه ياخينلاشديران هر كيچيك آدديمي قارشيلاديغيميز حالدا، ايران ايسلام جومهوريتي­نين 1392 جي گونش ايلي نين 24 خرداد تاريخينده كئچيردي­يي 11-جي پرزيدنت سئچگي­لريني تام غيري دموكراتيك اولماسينا اينانيريق و ميللتيميزي بو سئچگي­لري بايكوت ائتمه­يه چاغيريريق.

 

گونئي آذربايجان ميللي دموكراتيك بيرلي­يي (بيرليك)ين ايجرا هيئتي

12 ايون 2013